Tá roinnt clónna éagsúla le fáil mar íoslódáil (saor in aisce) ón leathanach seo. Clónna Opentype is ea iad.
|
| Clara |
|
Sraith clónna is ea Clara a cruthaíodh d’aon ghnó i gcomhair chlóbhualadh A Dictionary of Editing (2015). Cuimsíonn an tsraith cló iodálach, cló trom, cló trom iodálach, ceannlitreacha beaga, aibítir Ghréagach, aibítir Choireallach, ogham, réimsí foghraíochta agus matamaitice, noda, agus saincharachtair eile. Cuimsíonn na clónna freisin roinnt gnéithe leagan amach Opentype (ina measc ionadú nasclitreacha, ceannlitreacha beaga, agus uimhreacha sean-nóis), chomh maith le roinnt foirmeacha malartacha i gcomhair teangacha ar leith.
|
| Florea |
 
|
Is é Florea an t-ainm a thug mé ar chló ina bhfuil atarraingt de dhá chiumhais thraidisiúnta chlóghrafacha ón séú haois déag. Sa chló seo freisin tá roinnt maisiúcháin bhreise. Is féidir na haonaid a chur le chéile ar bhealaí éagsúla, mar is léir sna samplaí thuas.
|
| Gadelica |
 |
Cló Gaelach is ea Gadelica a bunaíodh ar na chéad chlónna Gaelacha ón seachtú haois déag.
|
| Germanica |
 |
Cló dubh (textura quadrata) is ea Germanica a bunaíodh go príomha ar chló a d’úsáid Fust agus Schöffer, beirt de na chéad chlódóirí Gearmánacha, sa bhliain 1457.
|
| Valida |
 |
| Cló is ea Valida lena gcruthaítear barrachóid i gcomhair leabharuimhreacha caighdeánacha idirnáisiúnta (ISBN). Úsáidtear é in éineacht le háireamhán i bhfoirm scarbhileog Libreoffice, a dhéanann an t-áireamh agus a chruthaíonn íomhá barrachóid. San íoslódáil tá an cló Opentype, an scarbhileog, agus nótaí cuimsitheacha. |